رحلة أسبوع

المنظر كان أجمل من أن يوصف... أنوار كتير منسقة جدا... وكأنك ترى مجموعة كبيرة من الرسومات الهندسية تحددها تلك الأنوار... مربع، مستطيل، دائرة، معين، شبه منحرف، مسدس، مخمس، إلى آخره من أشكال جميلة تسر نظر كل من ينظر إليها... المنازل تشكل هي الأخرى مجموعات، لا تستطيع أن تفرق بين منزل وآخر في المجموعة الواحدة لتشابهم، وكأنها جميعا قد صممت بالمسطرة... تدفق السيارات في إنسياب هنا وتكدسها هناك... النهر والمحيط بلونهما القاتم ... أمام المنظر الجميل ده، لقيت نفسي بقول الله (لجمال ما تراه عيناي)... الراجل الجالس بجواري هو كمان بص لي وقالي
Very nice, isn't it?
رديت عليه وقلتله
Yeah, it's very nice!
بصيت على الناس كلها، لقيتهم كلهم بيبصوا على المنظر ده... بالرغم من إن أغلبنا -إن ما كانش كلنا- شافوه قبل كده أكتر من مرة، بس من جماله، بيبقى الواحد عاوز يشوفه تاني كل مرة...، كان ده منظر نيويورك من الطيارة بالليل في رحلة نهايتها القاهرة

ربنا يسهل وأحكي على بقية الرحلة كمان شوية